Dada malala o
03/07,2011dia mitohy foana ny fitsanganan-drajeneraly amin'ny maty...nahafinaritra ny fampisehoana...hiranay tamin'ny mbola tanora noho izao...fahatsiarovan'e...hira fotsiny...fampisehoana tao amin'ny espace mon gouter
Azafady ry Dada malala fa miantso ty zanakao, Tsy fantatro na mbola mihaino na tsy mihaino ahy ianao...
Iza moa no hampita ny teniko aminao any ampasana any,Ny olon-drehetra nafarako, tsy hita fa tany dia tany - Tsy nisy niverina intsony fa dia raiki-tory sy renoka, Manadino ny tsiron’ny tany ve rehefa nisitaka, Te hiverina nefa tsy afaka mihidy rahateo moa ny fasana...
Kalokalo ary sisa no azoko atao, Mba hitabatabako isan’andro aminao ô!
Dada malala ô ...Mampamangy amin’ny rehetra, Tsy hoe sanatria re miadaladala Fa ny reviko reviko ihany
Dada malala ô...Razana ianao fa tsy olona Raha iny hono ianao ka miverina aty Dia tsy anisan’ireo fokonolona ô ô ô an!
(mitsangana toa ny lolo mitsangana toy ny lolo mitsangana tsaranzatsolééééé)
Miala tsiny ry maty rehetra izay mbola toa resin-tory ,Miteny aminareo izahay nefa toa tsy valiana akory---Ny aty efa manerinerina : rahoviana ianareo no hiverina --- Aoka tsy ho alina nefa fa matahotra ireo velona rehetra
Tsy laitran’ny balan’ny fanadinoina ny fisehon’ny angatra, Tsy aleo ve mba amin’ny atoandro ianareo vao mipongatra...
Ilazao izay dadako izay fa niandry hatry ny ela izahay, Fa izy foana no antsoantsoina...Ka asaivo mamaly sao manafitohina ô!
Dada malala ô ...Mampamangy amin’ny rehetra, Tsy hoe sanatria re miadaladala Fa ny reviko reviko ihany
Dada malala ô...Razana ianao fa tsy olona Raha iny hono ianao ka miverina aty Dia tsy anisan’ireo fokonolona ô ô ô an!
(mitsangana toa ny lolo mitsangana toy ny lolo mitsangana tsaranzatsolééééé)
Miala tsiny ry avelo rehetra izay mbol mirenireny, Nahoana no anontaniana kanefa toa tsy miteny...Moana ary ve sa marenina sa kosa tsy azo tenenina? - Avelo efa ratsy fanahy toa manao izay mahasosotra ahy!
Manadala ny velona ve zato izy sa kosa mananihany, Tsy misangy amin’ny maty aho ry dada ka aza dia be vinany ô....Aoka tsy hifan’alika fa maty sy velona isika, Niaraka ihany ve tety an-tany Dia aiza no dia hisy an’izany ô
Dada malala ô ...Mampamangy amin’ny rehetra, Tsy hoe sanatria re miadaladala Fa ny reviko reviko ihany
Dada malala ô ...Razana ianao fa tsy olona Raha iny hono ianao ka miverina aty Dia tsy anisan’ireo fokonolona ô ô ô an!
(mitsangana toa ny lolo mitsangana toy ny lolo mitsangana tsaranzatsolééééé)
Tarika Jeneraly