RAZANA MANANIHANY...

Published on 10/24,2008

Mba gaga amin’ireto razako ireto aho…fa dia tena mpananihany sy mpananihany tokoa izy ireto…ary mpampiasa teny miolakolaka sy midika roa matetika, asa na fialam-bala izany na tena tetika fifandraisana tsotra izao…

 

Raha mba misakafo any amin’ny olona raha iny mbola tsy lany iny …ka manontany ilay tompontrano hoe « ampiana ve sa… ? », dia mifangaro ny fanononana ny hoe

“Ampio…” sy ny “Ampy io..” Raha vao hita hoe misalasala ilay tompon-trano dia ahitsy haingana : “ampy io anie no noteneinko teo e…” 

Ny Hendry marina mody voky fa ny adala manesika ihany… mandeha mody voky sa mipetraka mody voky? 

Raha tsy misy mpaka vady iny rakalakely ka manjary ho lasa Rakala”be” dia lazaina fa “vodin-tsobika aza manan-tandrify…” …raha miteny ilay voatondro hoe “izaho izany vodin-tsobika?”…dia valian’ny haingana hoe “a a a, tsy VODIN-TSOABIKA ianao fa ireny ary manan-tandrify vao mainka ianao…”…efa mandinika elaela vao mahatsapa hoe FAKO no tandrifin’ny vodin-tsobika… 

“Aleo very tsikalakalam-bola toy izay very tsikalakalam-pihavanana”…dia samy milaza fa aloe very vola toy izay miady…mandinika kely vao mahatadidy fa hay moa ny dikan’ny TSIKALA dia HAZO KELY ….. izany hoe “Aleo very vola kely toy izay very fihavanana kely” dia raha lazaina amin’ny fomba hafa “aloe tsy very vola be toy izay tsy very fihavanana be”…izany ka hoe tena tia fihavanana… 

Raha maty aho Matesa Rahavana…fa raha maty Rahavana matesa Raomby (fa tsy izaho)… 

Ny dikany “a a a” sy ny “ie” moa dia tsy hay itsony raha tsy averina indroa ny fanontaniana… 

Raha malahelo dia tsy voatery “manana alahelo”…raha manana alahelo dia tsy voatery “malahelo”… 

Raha mandry ka mandrimandry dia tsy “mody mandry”…fa raha nodimandry dia tsy mandry mihitsy… 

Raha mahafatifaty ny zaza dia “alikalika kely”…fa rehefa manorisory izy dia mivadika “alika lahy na alika vavy”…  


Hevitra

  1. simp

    looooooooooooolllll
    sefo oui sefo

    nafinaritra ahy na ny namaky azy aza :)

    oh la la yes!!!


  2. Rasoa

    Mahafinaritra tokoa ilay lahatsoratra ! Mety mihitsy ilay fampitahana teny roa mitovy nefa milaza zavatra samy hafa ! Mbola tsy hitanao angaha ilay anarana ntaolo hoe ZAMANY ? Raha misy miantso dia mamaly ny hafa tsy mandinika hoe : "mandehana ary e !"


  3. Tokinao

    Sangisangy zary tenany ihany moa ity lahatsoratra ity ka ny tiako marihina dia ny hoe : ny tenim-pirenena rehetra no ahitàna "zavatra mahatalanjona toy io".

    **@ teny anglisy 'zao : maninona no : "My foot smells = maimbo ny tongotro" nefa "My nose smells= manambolo ny oroko" ? hihihi

    ** @ teny frantsay, raha misy manontany ohatra hoe "misy misy toerana ve (t'as encore de la place?)". Dia manahirana ny fahazoana ny valiny : "on a plus de place maintenant!".
    -tsisy toerana tsony ve ("on n'a plus de place maintenant?") ve sa
    - betsaka kokoa ny toerana 'zao ("on a plus de places maintenant").

    *@ teny frantsay ihany : un hôte = vahiny sa mpampiantrano ? ;).

    Misaotra e!!


  4. Tokinao

    Ny tiako aseho amin'iretsy ohatra etsy ambony retsy moa dia ny hoe : fomban'ny tenim-pirenena iray no misy "fahasarotana kely sns" ka tsy tokony hahakivy 'zany.


  5. Alaina

    Angamba tsy hoe mananihany ny Razana fa io no maha-izy azy. Tsy miteny mivantana ny tiany holazaina fa misarika an'izay nihaino mba handinika izay zavatra nolazaina taminy. Tsy voatery hitovy ny fomba fandraisan'ny tsirairay ny zavatra henony. Kanefa, araka ny hevitro, dia tsy te-hanafintohina an'izay mihaino azy ny razana teo aloha ka izay no mahatonga ny fiteniny ho tsy mivantana.... Asa nefa


  6. finoanaranoray

    Tena marina tsy mananihany tokoa izy ireo fa tena izay no toetrany...

    Tsy misy mahakivy izany...fa dia mampahatsiaro azy ireo namela ny teny gasy ho antsika



Hametraka hevitra

Hampiditra hevitra

E-mail me when comments occur on this article